Calandreta qu'es aquò ?

La Calandreta

En occitan, la Calandreta es un lauseta pichona o un jove gafet qu'es d'aprene.

Las Calandretas son d'establiments escolars bilingües (occitan-francés), que seguisson lo programa de l'Educacion nacionala e practican la pedagogia de Celestin Freinet.

Las Calandretas son d'establiments escolars associatius e laïcs. Fan part d’un malhum d’escòlas e collègis de la meteissa mena, gropats en federacions departementalas e regionalas, capeladas per una confederacion.

La primièra Calandreta foguèt creada a Pau en 1979. Uèi son 60 escòlas e 3 collègis ( Montpelhièr, Pau e Tolosa ) qu'aculhisson 3471 escolans a la dintrada de 2014. Avèm lo projècte de clavar lo segond gra en fargar lo licèu. De temps de rescontras al dintre del movement permeton d’escambiar e de far caminar nòstre projècte educatiu.

Tièra de las Calandretas

La tièra de las calandretas e sas coordenadas son disponiblas sul siti de la confederacion.

Miniature par Apercite.fr

 

« Bilinguisme 1 + 1= mai que 2 ! D'aver apresas doas lengas (lo francés e una lenga regionala o estrangièra), un enfant es mai capable de n'aprene una tresena e de ne melhorar las doas primièras. »

Joan-Loís Blenet – president de las Calandretas

 

En mai d'èsser bilingües, nòstres enfants son tanben dubèrts cap a las autras culturas. S'apuèjan sus lors basas culturalas per partir a la descobèrta del mond. I porgissèm d'espleches per desvolopar lor dobertura d'esperit. Los collegians practican tre la seisena l’occitan, lo francés, l’espanhòl e l’anglés.

Una remesa a nivèl permet d’aculhir en cors d'escolaritat d'escolans que mestregen pas una o l'autra d'aquelas lengas.

Descobrissètz l’occitan amb locongres.org, un siti de referéncia qu'acampa las institucions qu'emplegan l’occitan.